Aposel 11:23-26

²³Ya eme na len iy isos badeh, iy sekesek tasah iy anyolom Kindrei atehei nyosowan i tiri, ma iy tiye iri mari kado handru le ta Laban na ndrine iri mari.

²⁴Iy badeh, ndramak mwasin idih na Malawin Ndrabun hawe budon handru. Ma iy aluwi iri lau solo-an a ta Laban.

²⁵Ano, Banabas ili takaleh Sol ili Tasus.

²⁶Eme iy ndruni iy badeh, iy kuhi iy eme Antiyok. Ya eme udu bolo jaha ari ma buruwen badeh, Banabas uru Sol atukum hawe iri lau ta budon handru ta Kindrei ma leheya iri lau solo-an. Oro lau ta Laban, iri lau aloh oro “Kristen” ma mwena badeh, udu Antiyok.