Text copied!
CopyCompare
Godna mo Awai mona go - Aposel - Aposel 11

Aposel 11:2-21

Help us?
Click on verse(s) to share them!
2Maia Pita ika Jerusalem gam pugunamba patalfuiag el kokohiawagig nihem patalfuna asa ehem fenagini og,
3鈥淓nag el mas kokohiawagig nihem patalfug mo afa ne heafgelni lala nef fukog waneg. Nofeka enaig ese.鈥
4Asa Pita wahigi sihini mungwali mangwal sa ehem puguna.
5Afa enaig esona og, 鈥淜a Jopa la gafnamba beteneaufna asa ka mangwalim itila lofug nanguna. Asa ka nangugba ofenai lofug kwania fufugihiag afa ofim mo fwahagim sa pe blog ka nai yi muhla gofena.
6Afa ka nangunamba haig haig sis i wutlai i afa twafig i saiye afogoafna.
7Afa ka higinamba God kam sihina og, 鈥楶ita buihianam sisba sonaba sa kwagnefe.鈥
8Afa ka wahigi sihina og, 鈥楢iniyag, amo ka mas ese. Ena kwegig sisba mas kana mengig la feg mo.鈥
9Afa God kam pese sihina og, 鈥楳angwal sa God sihig eba suialag asa nofeka enam oniginam kwegim.鈥
10Sambaga mungu nagim gwenaig esenam asa lofug pese of gam fukokana.
11Gwenana sambaga mungu Sisaria lanai elim ka nangum ningitiginimbi asa ambe lala apukena.
12Afa Godna Sungwabug kam enaig sihifena og, 鈥楴ofeka afuiagim oksi.鈥 Afa hwag enwesog la gohug nilite ka wanig augim afa Korniliusna lala wani saiyeg afug.
13Ehe kagelim sihini mangwal sa ehem puguna. Eba Godna of lanai el heafna lala la nangunamba afa ehem enaig sihifena og, 鈥楢sa elim Jopa gam ningitigiba sa afu Saimonim wanig ambe afa ming unehlagba Pita.
14Afa ehe nem mo flifu faifi asa God nem gwena lala naim lambfe.鈥
15Afa autunam Godna Sungwabug pe blo bigelim puguni afa enanam ka mo sihi gofenaba gwenaig esena ehegelim gafa puguni.
16Afa ka onigig ilawana Ainiyag esona og, 鈥楯on buna bula elim laitig afa God heafna Sungwabugni bula nengelim laitig.鈥
17Afa maia big Sisas Krais Ainiyagim oniginimbi asa God bigim heafna Sungwabug faig. Asa gwenaig afwambanai elim esenigbi sa ambala pugug eba God ehe gafugafeg. Enaig esegba na sa ka mas Godna gafugagim kwei.鈥
18Afa ena mo higinim mas Pitam fenagini mo eba Godna unehlagim mungu fingi finim afa esogona og, 鈥淓i eba nufunam, God afwambanai elim gafa minaba ambafenig asa ma ehegel olug waike finim nofkena fli.鈥
19Ilawanam Stivenim maia tigi fatinimbi Ainiyagna el kinig flinim afa ika Fonisia, Saiprus, afa Antiok kembig embem ahkawag minefena. Enanai yi Sisasna mo Ju elim mungu sihigoni.
20Afa minganag Saiprus nai afa Sairini nai el Antiok gam afunam afa afwambanai elim gafa Sisas Ainiyag suialag mo sihigoni.
21Afa Ainiyagna kigmog ehegelim gohonimbi asa kaksag el olug waikefinim Ainiyagim onigini.

Read Aposel 11Aposel 11
Compare Aposel 11:2-21Aposel 11:2-21