Aposel 11:2-10

²Ra o Pita i wan usapat o Jerusalem, a taro ra det nemi sur a kum tene nurnur rop din tok talilis a pinindet, det bori, uni i sa lakai a warkurai anun a taro Juda.

³Det watungi tano lena, “U pam a utna ra i tabu torom dat a taro Juda, ra u ruk torom a taro ra ka di tok talilis a pinindet, ma u wangon tomo nam det.”

⁴Ra o Pita i wasiso talapor torom det una kum utna rop ra i wanpat lena,

⁵“A kis tiro una tamon Jopa, a wararing, ra a tama ara tamtama. A tama ara utna i elar namin labino malu, ra di pam pas a wat na kukurino ma di ukete pirso i tagisapat una langit torom iau.

⁶Ra a tamtama tiro ubalano, a tama a kum wewegua, det ra di ser ugu det ma a kum lomlomino, ma det ra det kaukawar, ma a kum piko kai.

⁷Ra a longoro in nalngan ara i watungi tang lena, ‘Pita, un tur. Un um doko det ma un nan det.’

⁸Ra a watungi lena, ‘Labino, awu ut! Ka wan tar tu utna ra i dur umatam, ra i tabu torom met a taro Juda.’

⁹Ra in nalngan ara tagisapat una langit i balu meleti lena, ‘A utna ra o God i sa utalapor tari, gong u watungi lena i dur.’

¹⁰A utna ri, di pami elar nama tulu dino, ra numur di dat toto melet pasi usapat una langit.