18Kanola, Yesus ami aptum kusal iyo weng sandiwa, imi fatom dinim weng Pita ami bakaanbip ayo kulaalipla, God ami fiyaap duu-bam bokolip ko: Yak kunolin kulaa God ayo taba-lom unang tunum miit kusnum iyo kano bokoya-lomda: Kipni aket ayo fal-siki-lom tiltam suunkup ilin unang tunum kelin o! yakan-kaaba kayi! kala-silip ko.
19Stiven aalip taanse kabaku, Juda iip maakup maakup ma iyo kukup mafak kutaltam daa-lomdip, Yesus ami aket kolin unang tunum imi kukaayim-bilipla, sak funbi umbilin Fonisia bokon une-bala, Saiprus bokon une-bala, kutal abip Antiok kulu dela, kawu bomdiwa, Yesus ami weng tambal ayo ilmi aptum kusal Juda ita-kup bakayinsip.
20La, ilmi tunum ma kii Saiprus kayaak so, Sairini kayaak iso, kemin iip maakup maakup iyo tal abip Antiok tal-ilomdip, kano unang tunum kayak kayak imi bakayip. Kemin, Dukum ata dong dokoyilaya, iyo titil-fak-daa tiltam-ilomdip, Kamokim Yesus ami sang kaayo, bakayim-bilipya, unang tunum yaapkan iyo ilimi kukup mafak kaayo, kela-lomdipla, Kamokim Yesus ami aket kola-silip.