Aposel 10:25-29

²⁵Ti Pita sohoa, Konilius nahih tengeni i ape lokuha matan.

²⁶Pita akeni minan ape hone i, “Tule! Nga tuahe seilon masin o.”

²⁷Pita kakak tutuen kapin ape i ningahi kilan seilon apupuha leili tehu ing.

²⁸Pita kakane lato ukek, “Amuto tioi hawane ka hahalin wanen ti amite teka Ju hukuma kapi teka seilon ti xux liai. Tuahe Haeu kola haniwen nga ka tap hahalin ti na nga lawai tuahe tel na seilon.

²⁹Aile ape ti Konilius ilowima nga, tap nga watakai. Konilius, nake lahan o tapea waxi nga?”