Aposel 10:18-22

¹⁸Téta di wa, “Du nak déka xi Saimon déka nak xi Pita ambu dé re, o yingafwe?”

¹⁹Wungi wandaka dé Pita xéndén jooka sarékéta rendéka dé Godna Hamwinya déré wa, “Mé xéké. Du hufuk ménika hwaka ya.

²⁰Sé raama naande yi, di wali. Wuni hafu wawuka yandaka di wali yinjoka rookéméni.”

²¹Wungi wandéka dé Pita naande ye dé diré wa, “Hwakéngun du, wuni andu. Méta yanjoka guni ya?”

²²Wungi wandéka di wa, “Xi warekwa duna néma du Kornilius wandéka nani ya. Dé yikafre du dé. Godna ximbu harékékwa du dé. Judana du atéfék di déka wa, ‘Dé yikafre du dé.’ Wungi di wa. Godna ensel nak dé Korniliusré wa, méni déka geré ye hundi wamét xékéndéte.”