Apanll Kamachtamarini 16:19-22

¹⁹Anumunsha, uwpat kurasee patateeru, kajonee sietimari ixuwtachpa. Amb ashkachu, nuwashsha pangi yutaritshish pastachiya. Yuwamand Israelchich yutaritshishirini pangeetsi itsachtarangana anoo nuwsha izuuru mapiychima, átcha Apanlli shiyaatsi, tángcha.

²⁰Ashiri Aaron nuwash pangi kizpur wanasirimshish nuwash sumi kajonee yaramaam yuwaparamchu, Chipoo kchita yátani táchiya.

²¹Aaron uw chipumun much patatachpa. Sheeru, tputsee yutaritshishee ichinguru kamanichpa. Yuwaatstam ichinguru mantsir ashirangana anoo kamanichpa. Ashkachu an, yutaritshish ichinguru chipushsha wanuts pshtukiya. Ashiri tputsee minam kamachtachpa: Chipoo Asalelap arap yap tputs nduni amb machichpa, tángcha.

²²Amb yutaritshishirini arap kapeetchiya mbizamaamarita. Ashkachu, chipsha waanasha tsipachiya.