Apa 11:2-14

²Pitaꞌa Yulusalemu taonifiꞌmo uno avaꞌyi huꞌnigeꞌapaeꞌmo mago vayaꞌmogi huꞌapaeꞌmo, lapakufamo lagaiyo, huꞌa nehaya vayaꞌmogi Pitafeꞌmo ge hauꞌapaeꞌmo,

³Kagaemo uka alu nofi vayaꞌmo apakufamo nolagaya vayaꞌai nopiꞌmo haika apakaeꞌeꞌmo magokepi maiꞌneka neꞌyaꞌmo neꞌnane, huꞌa ge hauꞌnae.

⁴Inagi Pitaꞌa aepa faiꞌniya afinatetiꞌmo afole aite afole aite huno afole aiꞌniya kavafeꞌmo ava gemo huno hapa paiꞌniye.

⁵Hapa painoꞌaeꞌmo, Yopa taonifiꞌmo nunumuꞌmo huꞌna maiꞌneꞌnaeꞌmo alagamuna agegekana huꞌna mago kavaꞌmo ageꞌnove. Ageꞌnovana kokuꞌnapatiꞌmo mago latapa lavolavomo loleꞌe loleꞌe atupaleꞌmo nofi aeteno atalegeno nahaopaleꞌmo emineꞌniye.

⁶Aulu heꞌna agovana muki agufa afugi afela afugi nagaloꞌyavegi afela namagi huꞌa maiꞌnageꞌna ageꞌnove.

⁷Ageteꞌna afiꞌnogenoꞌaeꞌmo mago gemo naha painoꞌaeꞌmo, Pitao, huno, He tika heka kaeka no, huno naha paiꞌnigeꞌnaeꞌmo

⁸Ala kava nene, huꞌna, haꞌao. Lagaefeꞌmo Yu mono keꞌaepa gemoꞌa hunoꞌaeꞌmo, alu hosu afumo ameꞌamo oꞌneyo huno huꞌnigeꞌna mosiꞌnova yane, huꞌna ha paiꞌnogenoꞌaeꞌmo

⁹halate naha painoꞌaeꞌmo, Gotiꞌa alino alagepa huno ateꞌniya yafeꞌmo hosu yane, huka osuvo, huno naha paiꞌniye.

¹⁰Loleꞌe magoꞌe afinaꞌmo ani gemo huteno muki yaꞌamo kokuꞌnapiꞌmo halate alino vayu hulino haiꞌniye.

¹¹Neꞌagogeꞌapaeꞌmo loleꞌe magoꞌe vayaꞌmo Sisaliya taonifatiꞌmo alino apateꞌnigeꞌa eꞌnaya vayaꞌmo maiꞌnova noteꞌmo avaꞌyi huꞌnae.

¹²Goti Aunemeꞌamoꞌmo, Lole kagesa oꞌafika apakaeꞌeꞌmo afaꞌa uvo, huno naha paiꞌniye. Nagaeꞌe Yopa taonifi vayaꞌmo sigisiꞌa konagaꞌnimogiꞌeꞌmo magokepi lokaelita uta Sisaliya taonifiꞌmo uta agae nopiꞌmo faleta haita maiꞌnone.

¹³Agaemo, Noꞌnifiꞌmo maiꞌneꞌna agovana mago enisole vekamo he tino maiꞌnenoꞌaeꞌmo, Kagaemo mago vayaꞌmo alika apategeꞌa uꞌa Saimoni Pitafeꞌmo ge hisageno eno.

¹⁴Eno mago gemo lapa paisigetapa kagaeꞌe muki konaga vayakaꞌeꞌmo ani gemo afisageno Gotiꞌa geꞌaletiꞌmo lapakufamo alino katino lapategaiye, huno naha paiꞌniye, huno naha paiꞌniye.