AONEGA HEREVADIA 14:6-12

⁶Hekokoroku taudia ese aonega idia davaria diba lasi, to laloa kehoa tauna ese, aonega do ia davaria haraga.

⁷Kavakava taudia dekena amo do oi noho siri, badina be idia dekena amo, aonega do oi davaria lasi.

⁸Badina dahaka laloa kehoa tauna be mai ena aonega danu? Badina be kara maorona dalana be ia diba momokani. Badina dahaka kavakava tauna be ia kavakava noho? Badina be kara maorona ena dala ia diba momokani lasi.

⁹Kavakava taudia be edia kara dika dainai, edia lalona idia giroa lasi, idia laloa unai be gau ta lasi, to kara maoromaoro taudia ese, edia kara dika ena gwauatao dalana idia tahua noho.

¹⁰Oiemu moale be oi sibona oiemu. Oiemu lalohisihisi be oi sibona oiemu. Idau tauna ta ese oi danu umui abia hebou diba lasi.

¹¹Kara dika tauna ena ruma be do idia hadikaia, to kara maoromaoro tauna ena ruma, be do ia gini noho, namo herea.

¹²Dala ta ia noho, sedira iena toana oi dekenai be maoro, to iena dokona be mase dekenai do ia lao.