AONEGA HEREVADIA 14:22-33

²²Kara dika karaia dala idia tahua taudia, be idia kerere, ani? To kara namo karaia dala idia tahua taudia ese, bogahisihisi bona abidadama ena maino do idia davaria.

²³Hekwarahi ibounai ese davana namona idia henia noho, to hereva kava ese ogogami ia havaraia noho.

²⁴Aonega taudia edia davana be moni bona kohu, to kavakava taudia edia davana be kavakava sibona.

²⁵Hereva momokani ia gwauraia hedinarai tauna ese, taunimanima ia hamauria noho, to hereva koikoi ia gwauraia tauna ese, taunimanima ia hadikaia noho.

²⁶Lohiabada ia gari henia tauna ese, abidadama goada tauna do ia lao, bona unai abidadama dainai, unai tau ena natuna do idia noho namo, mai maino danu.

²⁷Oi ura mase dekena amo do oi raka siri, a? Lohiabada gari henia kara ese mauri ia havaraia noho.

²⁸Bema iena taunimanima be momo neganai, king ena hairaina be bada, to king ta be mai ena taunimanima lasi neganai, ia be gau ta lasi.

²⁹Iena badu ia hakerua tauna, be mai ena aonega danu, to bema ia badu haraga neganai, tau ta ese iena kavakava do ia habadaia.

³⁰Bema oiemu kudouna be mai ena maino danu neganai, oiemu tauanina do ia noho namo, to mama ese oiemu gorere dikana do ia havaraia.

³¹Bema ogogami taudia oi dagedage henia neganai, oi ia karaia Dirava oi hereva dika henia noho, to ogogami taudia dekenai bogahisihisi ia henia tauna ese, Dirava ia matauraia noho.

³²Kara dika taudia be edia kara dika ese, idia ia hadikaia noho, to kara maoromaoro taudia, be edia laloa maoromaoro ese do ia hamauridia.

³³Aonega be laloa kehoa tauna ena kudouna lalonai ia noho, to kavakava taudia edia kudoudia lalonai, aonega be idia diba lasi.