AONEGA HEREVADIA 11:18-20

¹⁸Kara dika tauna ena davana be davana momokani lasi, to kara maoromaoro idia karaia taudia ese, davana namona momokani idia davaria noho.

¹⁹Kara maoromaoro ia ura momokani tauna ese, mauri ia davaria noho, to kara dika ia ura karaia tauna, be do ia mase.

²⁰Edia kudouna dekenai laloa dika ia noho taudia, be Lohiabada ese ia ura henia lasi momokani, to edia dala be kerere lasi taudia, be Lohiabada ese ia ura henidia momokani.