Akaloma 14:10-20

¹⁰Kwa nike, mwenga munhukumu nnonga gwinu? Namwe, kunike mammembula nnonga gwinu? Twenga tuboa tijema nnongi ja kitebu cha hukumu ja Nnoongo.

¹¹Magambu Majandiko Gachwapi galenga, “Andi panama, balenga Angwana, kila mundu makilikitila nnongi jango, kila mundu majeketela ne nga Nannoongo.”

¹²Kwa nyenie, kila mundu kati jito mapanga minhalo jakwe mwene nnongi ja Nnoongo.

¹³Bai, tukoto kuhukumulana, nambu ibe kutenda mundu akatendaje kilebe chukunnyambuki mundu agwe mumalemwa.

¹⁴Mukube pamwe na Nngwana Yesu, manyi kube kibije kilebe chachoa kichapu chene, nambu, mundu andapemele kube kilebe chenie kichapu, kwa jwenio kiba kichapu.

¹⁵Anda nnongogwinu mantei achimwe magambu ga chakulya chinu, mmanya mmije mukupalana. Makajeketeje chakulya chinu kimmeke mundu aobe magambu Kilisto ngawe magambu ga jwenio!

¹⁶Makajeketelangaje kilebe echimikibona kube chambone kitukanigwe.

¹⁷Magambu Kingwana cha Nnoongo ngiti kulye nu kunyweje, nambu ipaligwa kutenda gapala Nnoongo na tengela na kuala mwojo okuletigwa na Uhuke jwa Chwapi.

¹⁸Ojwammegele Kilisto andiyene anhwalalila Nnoongo nu kujeketeligwa na bandu.

¹⁹Kwa yene tuagabale ilebe ileta tengela na eituotoya kulimbiana mwojo.

²⁰Makaalabiaje liengo lya Nnoongo kwa magambu ga kutaukana ku nhwalo gwa chakulya. Yakulya yoa ibi chwapi, nambu ipaligwije kulye chakulya echikimmeka mundu agwe mu mabaja.