Aisea 11:9-14

⁹Lopu kote variva mate babe vari komiti si arini koasa doduruna sa Qua toqere hopena, ura sa popoa pepeso si kote siṉia na ginilagilanana e Zihova gua sapu siṉia kolo sa lamana.

¹⁰Koasa rane asa sa Karoso te Zese si kote turu guana pitipiti tadi na tinoni; sari butubutu si kote varigara la koa Sa meke sa vasina koa si Asa si kote tolavaena.

¹¹Koasa rane asa si kote qaqama vura nia e Zihova sa Limana vina rua totoso pude vagi pule ni sari ka visavisa tie pu koa holadi koari Nana tinoni: pa Asiria, pa Izipi Peka, pa Izipi Ulu, pa Itiopia, pa Elami, pa Babiloni, pa Hamati, meke koari na nunusa pa kolo lamana.

¹²Kote kave sage pitipiti si Asa pude dogoria ri kaiqa butubutu, meke varigara ni sari tie Izireli saripu ta raovo taloa; kote vagi puleni Sa sari tie Ziuda saripu hurakatae lamae koari na hopeke vasidi koasa kasia popoa.

¹³Sa kinonokono te Iparemi si kote murimuri meke sa kinuhana te Ziuda si kote noso; Iparemi si lopu kote kono nia se Ziuda, meke se Ziuda si lopu kote kana ia se Iparemi.

¹⁴Kote varigara sari karua meke rapatia si pa Pilisitia pa kali lodu rimata; meke zau vagi koari tie pa kali gasa rimata. Kote la va kilasi rini sari pa Edomu meke Moabi, meke sari tie Amoni si kote va tabe la koa rini.