Aisea 11:6-10

⁶Sari siki variva mate kote koa turaṉi sari tuna sipi, sari leopadi kote eko turaṉi sari na qoti. Sari na tuna bulumakao, tuna laione, si kote koa varigara meke ganigani; meke na koburu hite kote kopuni si arini.

⁷Na bulumakao kote ganigani turaṉia sa bea, sari tudia si kote eko varigara, meke sa laione si kote gani duduli gua na bulumakao.

⁸Na koburu si kote lopilopi tata meke qaqama la pa pou tanisa noki variva mate.

⁹Lopu kote variva mate babe vari komiti si arini koasa doduruna sa Qua toqere hopena, ura sa popoa pepeso si kote siṉia na ginilagilanana e Zihova gua sapu siṉia kolo sa lamana.

¹⁰Koasa rane asa sa Karoso te Zese si kote turu guana pitipiti tadi na tinoni; sari butubutu si kote varigara la koa Sa meke sa vasina koa si Asa si kote tolavaena.