Aisaya 11:2-7

²Anatunya Imambu dokome baa mona palenge singinya renge soo gisinginya rengepe mora petengena rengepe baa keta mairamopa baame banya wambu dupwa iso karara. Baame Anatumi dopa pipyali lao suu pyaramo dupwana soo gisapala baa ketae pyambuo kararamopa

³banya yulu dupwa rae maiyuo pira. Baame yanengena ketae kandapalape lasi pii iki soope kote laa nara ingyara.

⁴Baame pendewa dupwa angi rolae dokonako palyuo lao rolara. Baame range kapa nyiso laa naramili dupwana rolae pingi renge dupwa kame see nao paka pyao sakamyuo lara. Banya laramo dokona palyuo wambu dupwa moŋo maiyuo koo pingi dupwa kumuo pirami.

⁵Baame banya wambu dupwa pipya rolo ingyuo paramopa lao mona angi palenge ingyuo iso karara ingilyamo.

⁶Yana suwa kararope dee mena sipisipipi mendakinya mona seramo piso karo pirami. Mena lepete dupwa mena meme ene dupwa pipya mendare palyuo serami ingyara. Bulamakao ikyane mena laene ikyanepe pipa pakao nenge nao kararami. Dokopa wane wanakepeme rapu pyuo kararami.

⁷Mena beya bulamakaope nenge role pyao nao kararaminyipa nakamana yakane dupwa mendakinya mona seramopa palyuo serami. Mena laene dupwame rambi yando mena bulamakaome nengenyili pyuo narami.