Aisaya 11:2-5

²Yawe God kanumina na touna gwabine, bi noko kanumina nuwagiura da akowa inavereni na yana wawaya inibadena yaporidi, kanuma iiyabo ininaghoveni bi noghota rotomanidi inabera da yana nuwagiura inakivina, kanuma iiyabo iniwiiteni na inakowa da Yawe God inakabikarawayeni.

³Touna, Yawe God kabisisireninama ininuwamiise. Bi sawara matanama yakitakitadi bo tainanama yawaiwaiyanedi na gegha initupawamiwamiredina.

⁴Touna wawaya moyamoyakidi keda rotomanine initupawamiwamiredi, bi wawaya noganogadi na noghota miisedi inabera kiiravidiye. Yana sisiya na ware kii kakokakonama tanawa yarurouvina naboni, da wawaya kawakeekeedi yikasunughana.

⁵Wiitupawamiwamira rotomanidi na ware kikiru borine iyiruvivireni na naboni, bi wiisuwona na ware sineyetutura geyageyane iyiruvivireni.