Afasoro 9:28-36

²⁸Eno weike nono wei, Yesuma eno weiro Soroma i oroubairo ibaada Derusaremu goi orounu uwara uwararo amuke isare ukaada Godinu wake weibia eno wei.

²⁹Eno weike Soroini i Guriki wake weibisa Du orouini wake wake we makaka. We makakake Soronu iwoka ukeka daiwere ibake i Guriki orouma dawa ma feafisane daaba yodia ukeibisa.

³⁰I Godinu wake naukeka orouma i Guriki orounu imukeka iwoka uisake Soro mukake Sesaria goiro waure anisa. Iro waure anisake iroma Darasu goiro we odaisaro ania Banabasima eno wei.

³¹I furo Diudiaini Garerini Samariaini orofa buubaro ibeibisa Godinu wake naukebisa orou emua irauaiai ibeibisa. I furo eno uke irauaiai ibeibisaro emenu naukeka daiwere sini. I Godinu wake naukeka orouma Godi we ma irauaiai uisaro Godinu Imumu Irauma emua unu koreibi ibake eme keuwere Godinu wake kawama naukeibisa ibake i Godinu wake adinaroma naukeibisa oroubairo ane dakaa ukeibisa.

³²Moi furo Fidama i oroorofa yaisina iro eneiareibi. Iro eneiareibike Rida goiro ibeibisa Godinu wake naukeibisa oroubairo awaawa ufiane isare aari.

³³Isare aare farike moi ani enare fare me mi eri. I miye oya eida (8) enare fare mero wearo mane aine ibeibi.

³⁴Fidama i mi erike eno wei, Enasi, Yesu Kerisoma a ma wiroyainua uyaake anu wea mua wei. Eno weiro idua uyari.

³⁵Fidama eno weiro i Ridaini Seroni mado goiro ibeibisa orouma i wiroi mi ekake emenu imuka yaisina Godibairo oisa.

³⁶I furo moi Godinu wake naukeibi wabu aweka danu ibiye Dabida (danu Guriki ibiye Dokasi) dawa Dafa goiro ibeibike irauaiai ukeibi. Irauaiai ukeibike i eraerabusa me oroubairo uruna naka naka ukeibi.