12Stupebant autem omnes, et mirabantur ad invicem, dicentes: Quidnam vult hoc esse?
13Alii autem irridentes dicebant: Quia musto pleni sunt isti.
14Stans autem Petrus cum undecim, levavit vocem suam, et locutus est eis: Viri Judæi, et qui habitatis Jerusalem universi, hoc vobis notum sit, et auribus percipite verba mea.
15Non enim, sicut vos æstimatis, hi ebrii sunt, cum sit hora diei tertia:
16sed hoc est quod dictum est per prophetam Joël: