ACTUUM APOSTOLORUM 16:37-40

³⁷Paulus autem dixit eis: Cæsos nos publice, indemnatos homines Romanos, miserunt in carcerem: et nunc occulte nos ejiciunt? Non ita: sed veniant,

³⁸et ipsi nos ejiciant. Nuntiaverunt autem magistratibus lictores verba hæc. Timueruntque audito quod Romani essent:

³⁹et venientes deprecati sunt eos, et educentes rogabant ut egrederentur de urbe.

⁴⁰Exeuntes autem de carcere, introierunt ad Lydiam: et visis fratribus consolati sunt eos, et profecti sunt.