ACTUUM APOSTOLORUM 15:8-13

⁸Et qui novit corda Deus, testimonium perhibuit, dans illis Spiritum Sanctum, sicut et nobis,

⁹et nihil discrevit inter nos et illos, fide purificans corda eorum.

¹⁰Nunc ergo quid tentatis Deum, imponere jugum super cervices discipulorum quod neque patres nostri, neque nos portare potuimus?

¹¹sed per gratiam Domini Jesu Christi credimus salvari, quemadmodum et illi.

¹²Tacuit autem omnis multitudo: et audiebant Barnabam et Paulum narrantes quanta Deus fecisset signa et prodigia in gentibus per eos.

¹³Et postquam tacuerunt, respondit Jacobus, dicens: Viri fratres, audite me.