Acts 9:5-13

⁵Edo ge awodo setiri Saul mi nganega isira, “Bada, imo averi?” Setiri ge javi mi sisira, “Namone Iesu inemi dedo gaedo esa embo awa ra.

⁶Erido nati da torio edo ainda embo da amimi ro esi awa sari gase.”

⁷Edo embo nenei Saul ga da mambusera awa petedo kove be edo ge nei da ro sae isera. Edo ungo ge javi ingisera te embo da ave gae isera.

⁸Edo Saul erido diti pirigurisira te umo diti guba isira awasedo ungo mi umo ingo da jigido budo Damascus nati da totorisera.

⁹Edo iji tamonde umo yei gae edo nei ro indae atisira.

¹⁰Iesu ge be ari embo da jawo Ananias awa Damascus nati da atima isira. Edo Ananias eturo iri ainda Bada mi uso yei sisira, “Ananias.” Setiri Ananias mi mina sisira, “Bada na eire.”

¹¹Setiri Bada mi uso yei sisira, “Sia edo emboro jawo Dambu Derari da mambudo edo Judas da mando da Tarsus nati embo jawo Saul awa jawo seio. Edo umone God manunugurise atirari gido imo kove adesa.

¹²Edo eturo da umo garago isira embo jawo Ananias amimi bugudo Saul yei sekago garase ingo uso kopiri da itira.”

¹³Edo Bada awodo setiri Ananias mi mina sisira, “Bada embo jiwae mi embo emimi ari wasiri bebegae iso gebe ari embo Jerusalem atera ainda ira awa setero gosana.