Acts 9:3-13

³Ma Saul, Damaskas i tuḡereḡerei, nanare ma lalalaina marei i ḡairai da tauna i ravilalai.

⁴Tauna i peu au doa ma pona i nonori awarina i babani i pa, “Saul, Saul! Aiwai aubaina e rarau-iviapoapoeleu?”

⁵Saul i paridadana, “Tam aiai bada?” Ma pona i paribelei, “Tau Iesu, tauna e rarau-iviapoapoelei!

⁶Marina ma vomairi ma ma rui au Damaskas, ma kampa aiwai ina riwem ma kauei.”

⁷Nelara Saul maiteni i nenae i mairi kwakwa, ana gamopotai, taui pona i nonori wate eḡa aiai ita inanai.

⁸Ma Saul au doa i matamatave i vomairi ma matana i kala, wate eḡa aiwai ita inanai. Ma ana rava i raunimavoai ma i taravaina-naiei au Damaskas.

⁹Ma au pom tonuḡa eḡa ita inana, eḡa ita am bo ita uma.

¹⁰Au Damaskas tauvitumaḡana i mae wavana Ananias. Bada ana au inana i viatataiei i pa, “Ananias!” Ma i paribelei, “Bada, tau weka!”

¹¹Bada tauna i riwei, “Etanai wavana Etanai Jijimanina ma vaia da Judas ana au numa, kampa oroto Tarsusei wavana Saul ma baiei. Tauna marina e raraupari awariu.

¹²Ma ana au inana i ʼnanai oroto wavana Ananias i nei awarina ma urana au inina i terei da ita inana-me.”

¹³Wate Ananias i paribelei, “Bada, rava maḡamaḡaui i riweu da wei ravana ana kaua i apoapoe kaua tauvitumaḡana awarii au Jerusalem!