Acts 9:28-38

²⁸Damanina Saul namai kosi yabata i mana ba nuwagaire yai ba ere sinitorana, Bada kana wabai i raumamara neubuwa Jerusalem kamonai.

²⁹Saba yebo Jew biyisi Greek asi gamo ai si bisisiya wai yabata si kawapata, ba asi waina sita kasibunui.

³⁰Ba maranai bigeruwana biyisi si rupanani kona sita kasibunui wai, si urabai si gakira ku Caesarea ba si porai ku Tarsus.

³¹Damanina ba ekaleisiya, Judeai Samariai ba Galilee kupurisi ereonowana nuwanuba i mana ba Kanuma Kaobaisiyena i bobimaragasisi ba i bobitorisi kata Iesu kairavina ere kumarisi ba bokuwayai si mana asi koroto i rakata.

³²Ba Peter meyaga nunusi yai i yewo neubuwa ba i botu ku Lydda wai Keresiyana i rugenarisi.

³³Ba namai pipiya kesana, kana waba Aeneas i panani ba kona wai sini raoboraobona, ba ana kepanai i dauwa yepo bodu 8 si kakaba.

³⁴Peter, Aeneas kurina i wona, “Iesu Keriso ini yawasim, ke bomsiri ba am yagoro ke nokui.” Ba yagiyagina wata i bomsiri.

³⁵Saba kosi iyabosi Lydda ba Sharon meyagisi kamosi yai si mamana wai, sebarena si kitai wai asi yawasa si berena Bada kurina.

³⁶Ba Joppa bigeruwana biyina kesana i mamana, kana waba Tabitha, Greek biyisi te yoreyorei Docas. Kona wai wose gaigairesi i wosewose, ba pipiya moyamoyakisi i potapotaisi.

³⁷Saba kona marana i gubaga saki wai i rabobo. Ba tupuwina si bosusuwei ba yove kaidamonai si terei.

³⁸Ba bigeruwana biyisi si nonori kata Peter wai Lyddai i mamana, Joppa gwabina, wai pipiya ruwamo si poraisi si nae Peter si babai, kata ita botu yagina.