Acts 8:29-32

²⁹Aꞌ nil Ngeen-Wiy Min God.antaman thaw nungant ngul Philip.antan, “Nint kan wagon thinth iiyāna angman nungantang thinth iiyān.”

³⁰Yaa, nil Philip.an kamp moꞌ nungant aꞌ ngeey nunang lataman readimpung Isaiah.angan umpa. Aꞌ nil engk nungant, “Ayyang, latan engkanang wun nungkar ey? nintan readimpungan ey?”

³¹Aꞌ pam ngotanan thaw nungant, “Yaꞌa, wik wuthanang wun ngathara. Ngay puth want-wanttakan thiichāng e? Nil weeꞌang nath koochanathiw ngathar? Nint kan pal matān ow! wagonang ingan nyiinān ngatharang a!” Aꞌ Philip.ana mat, wagonangan moꞌ nungantang.

³²Pulan wik inangan thathpul wik nil pam Isaiah.angan umpa: “Nil pam inan keꞌ minh sheep thonam yimanang than pam al-alangan kalin nunang than yipam mulathayn nunang. Aꞌ nil keꞌ minh lamb many yimanangan wik keꞌanang than pamangan thuuꞌan umpin nungantamana, puth nilan popam wun, wik keꞌam piꞌ, yaꞌa.