Acts 8:29-32

²⁹Ale Tanumen God mo verea isan Philip mara, “O vano o hahau na pahisa nona kati.”

³⁰Ale Philip mo maro mo vano isana, ale mo rongoa mo lo evi na reti non pr̃ovet Isaiah, ale mo usia isana mara, “Ko levosahi na sava ko lo evia?”

³¹Ale mo r̃aramia mara, “A pa levosahia sohena sava vara tea i sopo vujangiau hinia?” Ale mo usi Philip vara i vele i sahe i sakele peresia.

³²Jara rihirihi atu mo lo evia na Retitapu enia harihi, ‘La tiroma hinia sohena sipsip matea mo vano matan vara la vilimateia, ale sohena natu sipsip matea sei mo lo tapanono purongo vara tamlohi tai na vulu mo lo tai na vuluna, ale mo sopo vere te hinau hatea.