Acts 6:2-11

²Anina ma Apasol 12 tauvitumaḡana ai boru i raukwatuei. Ma i riwei, “Tauai Apasol ma ai nola lamna God riwana ata jimejimei ma avena mane nolana maiteni ata kaukauei.

³Lamna aubaina au rava, awarimi rava 7 ona vinei, taui orai Arua Vivivireina i oai ma nuaulaulai da wei nolana ina kauei,

⁴Ma tauai ai nola da pari ma God riwana ava ana jimei.”

⁵Rava anatapui wei ogatarana i vianinei, ma Stephen i vinei, Arua Vivivireina orana i oai, ma ana tumaḡana God awarina i rata kaua. Ma nanare Philip, Prokoras, Nikano, Timon, Pamenas ma Nicolas tauna Jentail, Antiokei ma ini bori i vaia ma i vikeresiana.

⁶Ma wei ravai i neiai ma Apasol nimai taui au tepai i terei ma i raupariei.

⁷Anina ma God riwana i vituai ma au Jerusalem rava maḡamaḡaui Iesu i vitumaḡanei, ma nanare pirisi maḡamaḡaui i vitumaḡana.

⁸Anina ma God Stephen i viaiaini ma i vovai-virewapani da mataira ma kaua babai i kaukauei rava awari.

⁹Wate mai Jew ḡelaui provins nununai i nei mai au Sairini, mai Alexandria, ma Silisia ma Eisia ai parinumana e ḡoreḡorei panipani waduboi, Stephen ana ḡavia i vomairi.

¹⁰Wate Arua Vivivireina, Stephen nuaulaula ma riwa i verei ma i bababani da taui i vigamopotai.

¹¹Lamna aubaina taui rava ḡelaui i gwalai da moruei Stephen ita vibenabenamei, ma ita riwa, “Tauai a nonori Stephen, Moses ma God i vivijiboḡi.”