Acts 5:33-42

³³Taui wei babanina i nonori ma amloi i ḡaiḡai kaua, ma i ḡoei da Apasol ita viraḡeni.

³⁴Wate Pharisi ma tarawatu badana wavana Gamaliel, rava anatapui wei ravana e vivivirei. Tauna Sanhedrin boruna au orana i mairi, ma rava i riwei da Apasol i opunei au doa mara aburuna ava.

³⁵Anina ma ana rava i riwei, “Mai Israel, ona inana kaua ma muriai da aiwai wei ravai awari ona kauei.

³⁶Mara tagogi oroto wavana Theudas viḡavia i vikarei ma i kauana-melei da tauna rava ḡaeḡaena, ma rava ai maḡa 400 nanare tauna i votaḡotaḡoi. Ma maranaina tauna i viraḡeni ana tauvotaḡotaḡo i vilamonei ma aiwai anatapuna kampa i kwa.

³⁷Wate tauna au murina oroto Galiliei wavana Judas i ḡeta, census au marana ma rava maḡamaḡaui tauna i votaḡotaḡoi, ma tauna maiteni i viraḡeni, ma ana tauvotaḡotaḡo i vilamonei.

³⁸Lamna aubaina a ririwemi da wei ravai ona voteretawanei! Mepa da taui ai nola ravei, amapo ina peu.

³⁹Wate mepa da Godei, taumi eḡa tagotagogina da wei ravai ona viḡaei, taumi mepa da God o viviḡaviei.”

⁴⁰Taui Gamaliel ana babani i voteletelei. Ma Apasol i riwei da i rui, ma i wipiei i kwapui ma i viḡaei da Iesu wavanei ina jima, ma i paritawanei da i nae.

⁴¹Aubaina i aramanei da God taui i vinei da Iesu wavana aubaina ina vinuapoapoe. Anina ma Apasol ana nuaiaii Sanhedrin i opu-tawanei,

⁴²Taui mara patapatana tempol au orana ma au numa God riwana aiaina i raraugugulei ma i viviararamana da Iesu tauna Keriso.