Acts 5:29-34

²⁹Saba Peter ba apostle mutusi si kaobeyisi si wona, “Yakai God kana bosisirei ba kega pipiya!

³⁰Ba tutunuta asi God, Iesu rabobo ai ibo bimsiriyei, ba niko Iesu korosi yai ko tuparatui.

³¹Ba God, kona i bokabari ku yaro kasauna mena i terei, kata iti Bada, ba iti Taupauma wai Israel biyisi iti naovisi sita rupena ba asi piragagoyosi ita notataveyisi.

³²Ba yakai yabata mataki yai nikosi sawara ka kinana, ba yebo Kanuma Kaobaisiyena yabata kata pipiya iti beyisi kata nikona wai bisuwona. Ba God kona puyona wai iyabosi wata te bosisirei wai e bereberisi.”

³³Maranai nikona si nonori wai, si yagisi saki apostle kurisi, ba asi waina siti kasibunuwanisi.

³⁴Ba saba Pharisee kesana kana waba Gamaliel, kona wai kairuwana bibeyebeyena biyina, ba pipiya ereonowasi si bokuwayei, kona babadisi kamosi yai i bomsiri, ba i wonisi kata apostle sita uraba kasibauvisi mara yoginaikei.