8Ikwer-warl alhemel, Paul ranem Akngey-warl angkek. Ranem iltya ikwerenh ikwer-warl arrernek. Publius-kenh aynikw-anem mwerrirrek.
9Rernem awek-penhan, arntety-rnem Paul-warl apetyenh, Akngeyel-anem renh-rnem mwerriletyek.
10Rernem anwenhantherr tnakek, amern-akerr anthek, alethel alpetyek.
11Malta ikwer-itwek rtnwa ingwer anek. Alherrp-kety arrwekel-antey apetyek. Rtnwa Alexandria tawen-they apetyek, rtnwa itnan ikwerenh Akngey Atyewenheng. Anantherr Malta ikwerel alkent irrpetyek-atwety anenh-penh anwantherr rtnwa ikwer-warl-anem nganek, kwatyel aleth alhek.
12Anantherr Syracuse tawen-warl artarnpenhek. Syracuse tawen ikwer-itwek arlta irrpety-inger anenh.