Acts 27:3-9

³Au maratomna au Sidon taon a ḡota, Julius ivina i ai Paul awarina ma i voterei da i opu au gera da ana rava ita raugenari ma ana ḡoana aiwai ita vibaḡei.

⁴Muriai wagei a opu da a nenae ma ive i verau-matamataniai ma lamna aubaina bonabona au Saipras ma dobu ḡaeḡaena au pouna au mulaḡina ambori.

⁵Ma boga ḡaeḡaena a bori da Silisia provins da Pamphilia provins geraii a voterei da au Maira taon a rui au Lisia provins

⁶Au Maira taon kampa sorodia badana mai Egypt ai waga Alexandriei i nenae au Italy kampa i vigeruiai.

⁷Ma aupom maḡamaḡaui nuatauai a ruba ma a voia guratana da Cinidus taon a tuḡereḡerei wate ive i verau-matamataniai da kampa waga a virai da Crete bonabonana ma mutu Samone au poui au mulaḡina a nae.

⁸Ma kampa nuatauai bonabona Crete gerana a naeni aubaina mara i apoapoe ma a ḡeta dobu e ḡoreḡorei U Aiaina, Lasea taon au ḡereḡerena.

⁹Mara ḡaeḡaena a vine-boai au vaḡai ma Rupena Ujina marana boiboḡi i kwa, marina lamna ive ma rabama ai mara ma boga babarana i vinirovorovo.