Acts 19:27-39

²⁷Tauta tana inana kaua da wavata ma ata mane ani kauana eḡa ina apoapoe. Ma ata god ḡetelarana Artemis ana numa taparoro ma wavana eḡa ina vijiboḡi, eḡa au Eisia provins ava ma dobu au anatapuna.”

²⁸Maranai patara wei babanina i nonori taui i meji kaua ma i vigaragarei, “Artemis mai Ephesus ai god i ḡetelera!”

²⁹Ma taui i garagarara rava nai au dobuna i nonori ma taui maiteni i garara labalababa. Anina ma patara Gaius ma Aristakas i vojijini taui ruaḡai mai Masedonia Paul ana tauvigwanigwaniana, ma i rubana-naiei nai dobuna ana boru gabuna.

³⁰Paul i ḡoei da patara au naoi ita rui da ita babani wate kerisiana eḡa ita vianinei.

³¹Wate nanare Paul ana rava ḡelaui au gabemani tauna i viḡaei da eḡa ina nae au boru.

³²Patara i vinuanaina, i logologoi ma i garagarara labalababa ma eḡa ita aramanei aiwai aubaina weka i nei.

³³Mai Jew oroto tagogi i dudu-opunei au naoi wavana Alexander ma patara ḡelaui i garara awarina da ita babani. Alexander urana i voepai da taui ita genuana ma tauna ana rava aubai ita babani.

³⁴Wate maranai i aramanei da tauna Jew. Taui anatapui pona tagoginei wenanare i garagarara, “Tauta mai Ephesus ata god Artemis i ḡetelera!” da hour ruaḡa i kwa.

³⁵Ma taon badana patara i riwei da i genuana ma i riwa, “Au rava mai Ephesus, rava anatapui au dobu i aramanei da tauta tauvipaipai mai Ephesus ai god ḡeḡetelarana Artemis ana numa taparoro ma ana ḡaima vivireina marei i peuai aubaina.

³⁶Eḡa aiai wei ina vikaua-moruei. Lamna aubaina orami ina rauei ma eḡa aiwai apoapoena ona kauei.

³⁷Wei ravai o neiai weka wate taui eḡa au numa taparoro aiwai ita danenei bo ata god ita riwana-boei.

³⁸Mepa da Demetrius ana rava maiteni e viviwavui taui ina nae ina rauetara ma ami viwavu ona naei kampa taurauetara awarina.

³⁹Ma mepa da ami nuabola ḡelaui e mamae lamna taon babadai ai au boru ona babaniei ma ona tere-jijimani.