Acts 18:23-28

²³Paul Antioch yai i mana i kakaba wai Galatia kupurina, ba Phrygia kupurina kamosi yai wata i veramaga ba bigeruwana biyisi i kaobimaragasisi.

²⁴Kona maranai Jew biyina kana waba Apollos, Alexandria sebare, i botu ku Ephesus. Kona wai sebare kuikuirina, Wara Gairenai i kuira kabitamni, ba ana sisiya kaimasavisi wata.

²⁵Bada ana keta i kaobibeyei wai pipiya mutusi kurisi, ere tepatorana Iesu kairavina i beyebeyena ba i sisiyana kabikabitamni, saba John ana babataito wata i kuiri.

²⁶Maranai Priscilla ba Aquila si nonori Jew biyisi asi dugu yovena, kamonai ere tepatorana i raumamara wai, si taina sirei asi ku yove ba God ana keta basuna damana si beyena kabitamni.

²⁷Apollos ana waina ita nae ku Achaia, wai warewaresina si kaobimaragasi ba si kiruma, nonorayauna kurisi kata sita verabeyei. I verakasibau wai namai, iyabosi wata God ana baibaitai si geruwana wai i baita sakiyisi.

²⁸Debai Jew biyisi yabata si ogatara wai, ere maragasina i getawanisi, ba Wara Gairena i beyisi kata Iesu kona Baibaiyawasina Kaobaisiyena.