Acts 18:11-14

¹¹Paul-ele alakenhe ikwerenge-ntyele awemele re atnerre-irremele akwetethe ayeye Ngkarte-kenhe akaltyele-anthetyarte tyerrtye areyeke. Re apmere yanhele aneke atnyentye 18-peleke-atwetye.

¹²Kele artwe anyente Gallio arritnye anteme akngerrepate irreke apmere Achaia arritnyeke Jew areye Paul-eke ahele anthurre irreke itne renhe arntwirrkemele court-werne akngerlte-iweke akngerrepate Gallio ikwere itirretyenhenge nthakenhe anteme irretyeke akurne apeke-arle mpwarekeke.

¹³Itne ikwere angkeke, “Artwe nhenhele uterneme tyerrtye areyele angkentye ultaketyeke imerte Ngkarte akurnentye tnakemele.”

¹⁴Paul angketyeke-irreke, kenhe Gallio-arle angkerlenge, “Tyerrtye Jew areye-aye, nhenhe awerrirraye! Ayenge kwenhe ayeye alakenhe awetyeke ahentye anetyakenhe. Kele artwe nhenhele apeke-arle arrpenhe irrerlknge atweke, arne areye arrpenhe-kenhe apeke-arle anyelkngele ineke, kele ayenge itirremere nthakenhe ikwere irretyeke. Kenhe arrantherre akenhe aretyakenhe-arle re akurne mpwarerlenge arrantherre kwenhe ikwere ahele-irreme angkentye arrekantherrenhe-akerte ware, Jew-arenye areye-kenhe iwerreke-arrkngele. Arrantherre-arrpe anteme nhenheke itirretyeke, ayenge-arle nhenheke itirretyeke arrangkwe-arle.”