Acts 17:10-13

¹⁰Ma waguvarai tauvitumaḡana Paul ma Sailas i paritawanei au Berea. Maranai kampa i ḡeta, ma i rui au boru numana.

¹¹Mai Berea i viaiaii, eḡa me mai Thesalonika. Taui i rautaniḡana ma i votelatela ma marana patapatana God ana buka i ʼaiavi da ita aramanei da Paul aiwai i bababaniei lamna riwa kaua.

¹²Ma lamnei mai Jew maḡamaḡaui i vitumaḡana, ma nanare mai Greek waivinei wavai naenaei ma nelara.

¹³Maranai mai Jew au Thesalonika paratana i nonori da Paul God riwana i raraugugulei au Berea, taui maiteni i nae kampa, ma rava i rauegari da ḡavia ita vikarei.