Acts 15:2-16

²Ma karuwaḡawaḡa ḡaeḡaena i bauni Paul ma Barnabas maiteni. Ma taui Paul, Barnabas ma rava ḡelaui i vinei da i ḡae au Jerusalem da Apasol ma babada ita inanai wei babanina aubaina.

³Ma i paritawanei au Jerusalem, Ma ai au vaḡai ekalesia au Phonisia ma Samaria provins i pariverei menanare Jentail i mae-tavirei God awarina. Ma taui i vinuaiaii kaua maraina wei i nonori.

⁴Maranai i ḡeta au Jerusalem, ekalesia ma Apasol i nei da i nebelei. Taui i pariverei menanare kaua anatapui God ana aguei i tupua.

⁵Wate ekalesia ḡelaui mai Pharisi, i vomairi ma i babani guratana i pa, “Jentail anina da inibori ina vaia ma ona egari da Moses ana tarawatu ina voteletelei.”

⁶Apasol ma babada i viboru da wei babanina i okei.

⁷Ma i vitarapiri guratana ma Peter i vomairi ma taui i riwei i pa, “Au rava! O aramanei da au orata God i vineu da Riwana Aiaina ana jimei Jentail awarii da taui ina nonori ma ina vitumaḡana.

⁸God rava anatapui ai nota e araramanei, ma Jentail Aruana Vivivireina i verei me tauta nanare. Wei matairana i viatataieta da God i vianina.

⁹Tauna Jentail ma tauta e vaivainita da tagogina, ma ata vitumaḡanei orata i viaiaiani.

¹⁰Marina aiwai aubaina God o viviamlo-ḡaiḡaini? Tauta amamata maiteni eḡa tata virewapana da tarawatu tata vojijina-kauei. Wate marina wei vitana Jentail ta verevere-damanei.

¹¹Eḡateni! Tauta anataputa ta vivitumaḡana da Bada Iesu ana aguei tana lawana, ma nanare Jentail maiteni.”

¹²Rava anatapui i genuana ma Barnabas ma Paul i rautaniḡanei, taui i bababani menanare ana au vaḡai God ana aguei kaua aniba ma vivirewapanai i kauei Jentail awarii.

¹³Maranai i babani vorovei, James babani i vikarei, “Au rava ona rautaniḡaneu.

¹⁴—Peter au naona i pariveremi menanare God Jentail i raugenari ma ḡelaui i vinei da tauna ḡarinei.

¹⁵Ma Peroveta nununai wei kauai i bababaniei marina nanare e tuputupua:

¹⁶Wei au murina ana nememei,