Acts 15:12-16

¹²Ihayḏáháˀ Barnabas-áḏí Paul-áḏí ovâyhéeˀan. In tꞌowa tꞌä̖hkí diwéˀgekwꞌóˀnin hânda̖ˀ dikwoḏee ovä̂ntꞌôeyandeḏi in wíjeḏi ovâytu̖máaḏí háa Jôesi Táḏáḏí ovä̂nkhä̖geˀnannin tꞌä̖mägeˀi pínnán tꞌôe dä̂nˀa̖míḏí in Huḏíyo dimuupíˀin tꞌowa-áḏí dajiˀ ihayḏi.

¹³Dänhíˀbowa, ihayḏáháˀ James-dá ginnân ihéeˀan: “Tíˀûuwin páaḏéˀin, nää-á naa-áháˀ dîntꞌôeyan.

¹⁴Simon Peter-di naˀin dítu̖ˀan Jôesi Táḏáḏí in Huḏíyo dimuupíˀin tꞌowa wáˀ ovâyˀá̖yîngimáaˀin, heḏi handiḏi dînkeeyan wên in diweḏi ovâyhógiˀin ivíˀin ûnmúuníḏí.

¹⁵In Jôesi Táḏáví tukheˀmin hä́nˀoebo hanbá ditú̖, heḏi háa Nanbí Sedó Jôesi Táḏá natú̖ˀin ginnân dâytaˀnan:

¹⁶‘Iˀ tsondi David-ví ây iweḏiˀinbí tsonkhuu dínhándí wí tewhá nakanuˀi waagiˀinbá dipóe, hewänbo wáy wí thaa naa owáyˀä̖ˀ heḏá inbí tsonkhuu dovâywáymä̂äní. Háa dimúˀde waagibá dovâywáykwohkhâymáa. Naa han dáykhâymáa heḏânho tꞌä̖hkí in wéˀgen tꞌowa didaˀíḏí dítaa-íˀin, hä̖́yú̖ in Huḏíyo dimuupíˀin dovâyhógiˀin navíˀin dînmúuníḏí.’ Ginho Nanbí Sedó Jôesi natú̖, iˀḏá hä́nˀoe nä́ˀi hä̖ä̖wí tꞌowa ovâyhanginˀânnan.”