Text copied!
CopyCompare
BINGA EWAMEI IESU KERISO DA JAWO DA - Acts - Acts 10

Acts 10:3-31

Help us?
Click on verse(s) to share them!
3Iji da ongobo soropu da digagara ise God da asisi ewamei totoriri gosisira. Edo torido uso yei sisira, 鈥淐ornelius.鈥
4Setiri Cornelius oju edo asisi ewamei ditini ise sisira, 鈥淓mbo nembodiba imo ro dipapa esi?鈥 Edo umo awodo setiri asisi ewamei mi mina sisira, 鈥淕od uso yei ge seso ingira edo rora egeregae embobo da yei ro esa awa gosira edo umo imo ruvegae ra.
5Edo boroko embobo itio Joppa nati da mambudo embo jawo sedo era Simon Peter awa bore.
6Wo andiso segari embo jawo Simon ainda mando ewa bengi da ainda atima ira edo uso mando da Peter awa tambadesa.鈥
7Edo asisi ewamei Cornelius da ge awa sedo mambutiri Cornelius setiri uso agipo embobo etoto de isoro embo da de totorisera. Edo isoro embo eiawa God sapo edo isira edo iji berari Cornelius da dipapa awa simba edo isira.
8Edo Cornelius Anela ro sisira awa ungoda yei setiri getero ungo itiri Joppa nati da mambusera.
9Edo iji nei ungo mambudo Joppa nati aikambu ero iji beo da Peter God manunugadi sedo mando sa da gaga da vivitisira.
10Edo umo beji etiri indari indae etira awa dipapa isira. Edo ungo indari sia ero Peter eturo da garago isira.
11Umo utu pirigetiri gosisira. Edo utu pirigetiri umo rora bo nembodiba awa uso begiti 4 ainda jigari busu da wosarago iri gosisira.
12Edo bo nembodiba ainda jo da awa wo mane pepeta edo isera edo wo akogedo isera edo ri memei ainda atisera.
13Edo Peter awa gosiri ge javi mi uso yei sisira, 鈥淧eter erido wo da dedo indio.
14Awarate Peter mi sisira, 鈥淏ada, awodo aera. Na mana wo da eiawa indadena. Edo awa naso aera edo wo mane eiawa Jew embobo da agodari mi sira awa bebegae ra. Edo wo mane eiawa bebegae edo dongono de ra.鈥
15Edo Peter awodo setiri ge javi mi sekago uso yei sisira, 鈥淩o God mi indorase awara sira awa indari bebegae awodo seose.鈥
16Edo Peter wasiri eiawa iji tamonde gosisira. Edo bo nembodiba awa sekago utu da vivitisira.
17Edo Peter mana mana edo rora gosisira ainda be mo rori awa kotise atisira. Edo rora eiawa berari iri embo Cornelius mi itiri bugusera awa Simon da mando awa tambudo uso mando be da derido atisera.
18Edo ungo derido atise gogo dimbudo sisera, 鈥淓sega embo da jawo Simon Peter einda joda atita?鈥
19Edo Peter rora gosisira ainda be awa gadi jarise atiri Asisi Kotopu mi uso yei sisira, 鈥淕i embo tamonde awa imo embo bugera.
20Sia edo ungoda yei woseio. Edo nanemi ungo iteno bugera awasedo jegigi eose ta ungode daedo mambuio.鈥
21Edo umo awodo setiri Peter wosedo embobo ainda yei sisira, 鈥淣amone ingo eura ewa embo awa ra. Edo ingo roedo bugevi?鈥
22Setiri ge mina sisera, 鈥淚soro embobo da gitijigari Cornelius mi itiri bugera. Edo umo awa embo ewamei edo God tumondebain edo ira edo Jew embobo berari umo sapo nembodiba be edo era. Edo God da asisi ewamei mi uso yei siutara iso ge ingarase edo imo oru ari uso mando esega asase.鈥
23Edo ungo awa setero Peter mi ungoda yei sisira, 鈥淭oriwo edo tumba awasedo einda atave.鈥 Edo sipo nei Peter sia edo embomei ainde mambusira. Edo nanonamendi nenei Joppa nati da atima isera awa daedo mambusera.
24Edo sipo nei ungo Caesarea nati da bugusera ainda Cornelius de uso orobe de otatao de bugorase sisira awa Peter simba ise ainda atisera.
25Edo Peter toradi iri Cornelius umo tambudo uso jo da baingo dederi edo umo tumondebain isira.
26Awarate Peter mi umo kondade etiri eriri uso yei sisira, 鈥淓rio ko na awa embo teta imo inge ra.鈥
27Edo ungo mando da totorise Peter Cornelius da yei ge sise totorisira.
28Edo torido embo jiwae be dada edo atero gido Peter ungoda yei sisira, 鈥淚ngo ingosuka gosewa nangoda agodari mi sira Jew embobo awa mana Jew embobo ae awa esega adera edo otao mana adera. Awarate God mi naso yei isaga etira awa na wasiri eiawa ambo ambo ari awa doadena.
29Edo imo na buganase binga iteso mambutara awa na ujo ae aerate bugena. Edo boroko na iso yei sedo gosena imo ro edo na buganase binga itesi?鈥
30Setiri Cornelius mi mina sisira, 鈥淚ji tamonde atae iutara ainde ongobo de na naso mando da atise God manunugurana.
31Edo iji ainde embo da bo parara biribiri ari awa ombudo naso jo da derido siutara, 鈥楥ornelius God mi iso ge awa ingido edo iso buro ewagaewa awa kotemburara.

Read Acts 10Acts 10
Compare Acts 10:3-31Acts 10:3-31