49‘Dilavau loui avoe, Otogo keu di ugulamomale telona. Isege vata keu di velo mamomale matama. Iale lana o oleteale dahoe houi. Dana oleve kateai keve ui. Keu daemo anekianu.
50Kosealemo dalike onobenobe bahata vaevenu.’
51“La uvu keu osiohoike vage la Dilava hoto ke evioholilu. La keau nahie buluve kebia nahate. La vani bahata Dilava Munanae Tumuho isiviholisi kabebihavoma.
52Nahie buluveau beloveta bahata havege abu vatehani malelu. Subuta vani kemo beloveta keau Dilava esemu inutolotoloteu lohoveve hoto ke louge nahie buluveau kebia havei hoto ke bamuge novae vani komo la esemu ke mai atae toela ovege abu hamage hatinu.
53Dilavau au menaka mai anelu ovege abu mai la buluve ovege la menaka ke maito keho isiviholisi halevalu.”
54Sitiveniu abuho kateale louge Diue kosive keau ke evisi avuho itumulahai monogigialu.
55Ige Munana Tumuteu Sitivenimo ualemo au ehue niai Dilava ataga elehage kemo Iesuu Dilava ada inuteatave laminu.
56Ige au ke elehai loui avoe, “Di elehasege otogou alavoge Atae Eseu Dilava ada inuteve laminu.”
57Ige abu hoto ke evisi baita kekolahai abu golema bamui isiviholilu hoto ke eviliho. Isi igaetoai tiale Sitiveni evudelu.
Abostolo 7
Abostolo 7:49-57