31Hovelahai vani moaga au subuta au abuhi Galili isi Dielusalemae oimale kebiae lohonu. Iale ata keabulike Iselala ata haivema.
32Iale no hotoe dua keike mai la haiveho loholu.
33Dilavau Iesu etuvage hovelahage au subuta nahie buluveho louale ke nahateu nova nahiemo velemanu. Deividiu Samusi bukamo hoto ke nahate hisaliai avoe, ‘Dau a Mama seleve. Isege au di mo.’
34Ige Aisaiau au bukamo Dilava hoto hisaliai avoe, ‘Di Deividiho vaveve mole dua loui mamoale ke nahate dana aemo vai.’ Hoto ke ihuu koseanu. Dilavau Iesu etuvage hovelahale au bae tota hatilivebene.