42Ani biyagola Ngode Datagaliwabehanda ti erembira mialu tigua hari daliganaga yakundiruhondo bi pupu wilo helene. Ogonidagua Ngode Datagaliwabe mana latagi haga hearume mbugani gilibu winigo ogo, Isaraele wali agaliru-o mali pira mariani (40) dindi koha howa nogo bulumagabi sibibi bo mirimigo i̱hondo ndo bo ngirimi.
43Dama Molegenaga balai anda yalu pirimi. Dama Lebananaga yakundi ale mbira ogonibi wabuwa yu ibaga bu harimi. Dama uruni bi pupu wulenaga wabirimigo awe marume tí minalu Babilono dindi amuraha haru pelo, Haru pudaba, lolebero, lalu gilibu nga, lalu Sibenihanda lene.
44Ibugua laabo halu lalu, Inanaga mamalime dindi koha howa Ngode Datagaliwabe ti heba kago manda bule tigua Balai Anda wabu helene. Balai Anda ogoni Ngode Datagaliwabehanda Mosesehondo, Ogobi wabibe, lalu walia hayagobi tigua wabini.
45Maha inanaga mamali iginirume ti aba pani ho aribia howa Balai Anda ogoni tigua yu aribia halu Yosua heba pene. Yosua heba pialu heagola Ngode Datagaliwabehanda bamba howa dindi tarani wali agali hearu bo ba tagi haga biyagola tigua dindi karulama pialu Balai Anda biago yalu puabo hene. Ogoningi howa Balai Anda biago dindi ogoriani helenego Debidi heneyangi haabo hene.
46Debidihanda Ngode Datagaliwabe mo turu howa lalu, Í̠ Yagabanaga Ngode Datagaliwabe howa habelonaga anda buabago buabe, lene.
47Ani lenego anda nabi heagola Solomono ibugua anda mbira Ngode Datagaliwabenaga helo lowa bini.
48Ngode Datagaliwabe Daligaorene Daliga kago ibu anda agali gime biniruha nahaga ka. Ibunaga mana latagi haga mbirali heagome bi lo ngago ogo,
49Anduane Homogo ibugua lalu, Dahuliya andaga i̱na haru holenenaga biragane wialu dindi bibahende ngaru i̱naga ge dogolope ho wiagane ngago tígua i̱ni holiyanaga anda abi ale buleberemibe. I̱ ha̱lo̱ biruliya henge agoha ngelaho kamibe.
50Uruni bibahende i̱na wabirugo ndoyabe, lene lalu gilibu nga, lene.
Abosolo 7
Abosolo 7:42-50