25Siiba nilïle mäu Debidi, dïe hamoi hamolasilo amoma aligila Gesami Hedabia ado säi amo gowe. Edoïe udia dolö fii odoa ilia edefademalä mihalähamu nea. Edoïe udia dolö amolia nalï ado afädë negesamu nea.
26Sege sulubadelaïe beaha aligilo gini nefolalo amolia nudumolöïe daiala nefolalo. Sigi aligilo amolia gegedolahilä Dafidilo Geloi amoge ïe Afädë Memelei amoge daia sasagala neala golila säi.
27Amo gadola Heledoeage Bödiasa Bailadiage elebalä udia dolö fii odoaeage Yu udia dolöeage dofä gaamu gowegi dïe hamoi hamolasilo hedabifalï Yesu, dia memelei amo, daia sasagala neala golimolöïe gegedoi.
28Ilia amala hamoi amoda dafidi dïe geloiage asigiage daiala negei amo gadola gausiala digai.
29Amaimo, Dafidilo Geloie, ilia nilï nufulöïe ado gelola säha nelo amo dia walio asigiimalo. Dïe hamoi hamolasilo nilïa bedäla made gelola nea dïe ado mala säla olelemolöïe geloi ïmalo.
30Amo gala oloi dibe amo wahilasimolöïege, dïe hamoi hamolasilo hedabifalï Yesuïe ëia dolöea hamomolöi made gadoi hamolasimolöïege hïdo elöi hamolasimolöïege, dïe naabo mogodigimalola säla adoi.
31Godema adola wagai amole mosö ili gedola sefolalo amo fogola Gesami Hedabia ilima nobasebegi, ilia Godeïe ado mala bedäla made gelola säla ïaha nelo.
32Udia dolö Yesuma asigi afädë negei nefolalo amoli sulubadelaea hame afädë negela asigi afädë negela nelo. Amala negela neada afädëa ïe nelegei dibe amo bealahilä goweda nïemelëla sälo made, hïdo hïdolaïe nelegei dilo amoda ili sulubadelaïe ua gadoi dilo.
33Abosolo dolö amolia gelola nea Dafidilo Geloi Yesu baagolahilä nowela neala gelola säla olelesa nelo. Godea ili sulubadelama edefademalä obeägïlasilahilä hedabola ugila negesa nelo.
Abosolo 4
Abosolo 4:25-33