A Umana Kakailai 94:3-12

³Luluai, aivia ra bung boko, Aivia ra bung a umana tena varpiam diat a gugu mat?

⁴Dia malamala tene ta kadia peal tinata; Diat par a umana tena pait ra kaina dia tibuna vavagia pa diat mulai.

⁵Dia pamar gigi kaum tarai, Luluai, Dia vakadik kaum tiniba.

⁶Dia ubu ra ua na vavina ma ra vaira, Dia doko ra umana nat na ling.

⁷Ma dia biti: Ra Luluai pa na gire, Ma ra God kai Iakob pa na nuk pa ia.

⁸Avat a umana koloata, avat a nuk pa ia, Ma avat a umana lunga, vingaia avat a matoto?

⁹Nina i ga pait ra tatalinga pa na valavalongor vang? Nina i mal ra kiau na mata, pa na gigira bar?

¹⁰Nina i vateten ra umana Tematana pa na varpit laka? Nina i vaminana ra tarai,

¹¹Ra Luluai, i matoto ta ra lavur nuknuk i ra tarai, Ba a magit vakuku.

¹²Luluai, i ti doan nam ra tutana ba u vateten ia, Nina u tova ta kaum tinata na vartovo,