A Umana Kakailai 88:7-14

⁷Kaum kulot i monong iau, Ma u tar vakaina iau ma kaum lavur bobol. Sela.

⁸U tar vaki ra umana talaigu vavailik kan iau, Iau da ra magit na milmilikuan tuna pire diat; U tar liplip bat iau, ma i dekdek upi ina irop.

⁹A varmonong i vuna tago ra matagu i gamgavul; Luluai, iau tar kail tadav u a bungbung par, Iau tar tulue vaarike ra limagu piram.

¹⁰Dave, una ga pait ra umana magit na kinaian ure ra lavur minat bar? Ma ra umana minat diat a tut rikai bar upi diat a pite pa u? Sela.

¹¹Dave, da varvai vang ure kaum varmari ta ra tung na minat, Ba ure ra dovot na maukuam ta ra tavul a vinirua?

¹²Dave, da nunure kaum lavur papalum na kinaian ta ra bobotoi, Ma kaum mangamangana takodo ta ra gunan di valubane ra lavur magit i tana?

¹³Ma Luluai, iau tar tangi tadav u, Ma ta ra malamalana kaugu niaring na vana rikai piram.

¹⁴Luluai, ta ra ava u vung vue iau? Ta ra ava u ive ra matam kan iau?