A Umana Kakailai 88:4-12

⁴Di luk varurungane avet ma diat dia kuba ta ra tung; Iau varogop ma ra tutana. ba pa ta dekdekina;

⁵Iau va livuan ta diat dia mat, Iau da diat dia tar virua ma dia va ta ra tung na minat, Nina ba pa u nuk pa mule diat, Ma pa u vatur vake mule diat.

⁶U tar vadiop iau ta ra tung ara iat, Ta ra gunan i bobotoi ma ta ra marmarumian.

⁷Kaum kulot i monong iau, Ma u tar vakaina iau ma kaum lavur bobol. Sela.

⁸U tar vaki ra umana talaigu vavailik kan iau, Iau da ra magit na milmilikuan tuna pire diat; U tar liplip bat iau, ma i dekdek upi ina irop.

⁹A varmonong i vuna tago ra matagu i gamgavul; Luluai, iau tar kail tadav u a bungbung par, Iau tar tulue vaarike ra limagu piram.

¹⁰Dave, una ga pait ra umana magit na kinaian ure ra lavur minat bar? Ma ra umana minat diat a tut rikai bar upi diat a pite pa u? Sela.

¹¹Dave, da varvai vang ure kaum varmari ta ra tung na minat, Ba ure ra dovot na maukuam ta ra tavul a vinirua?

¹²Dave, da nunure kaum lavur papalum na kinaian ta ra bobotoi, Ma kaum mangamangana takodo ta ra gunan di valubane ra lavur magit i tana?