A Umana Kakailai 85:1-13

¹Kai nina i lue ra kakailai; a kakailai kai ra tarai Kora. Luluai, u ga mari kaum gunan; U ga vakedek mule ra tarai Iakob.

²U ga pun vue ra varpiam kai kaum tarai. U tuba kadia lavur nirara. Sela.

³U tur bat kaum kulot par; U vung vue kaum dekdek na kankan.

⁴Una lingan upi avet, God kaveve tena valaun, Ma una tigal bat kaum kankan tadav avet.

⁵Dave, una kankanuane avet vatikai vang? Dave, una kankanuane ra lavur taun tarai par?

⁶Dave, pa una valagar pa mule avet, Upi kaum tarai diat a gugu tam?

⁷Luluai, una vaarike kaum varmari ta vevet, Ma una tul tar kaum valavalaun ta vevet.

⁸Ina valongore, ra tinata kai ra Luluai God; Tago na tatike ra tinata na malmal tadav kana tarai, ma tadav kana lavur tena lotu; la kaka, koko diat a lilikun tadav ra mangamangana papaua mulai.

⁹A dovot kana valavalaun i maravai pire diat dia ru ia. Upi ra minamar na ki ta kada gunan.

¹⁰A varmari ma ra dovotina dir ga varkuvo, A mangamangana takodo ma ra malmal dir ga vargalum.

¹¹A dovotina i gol ta ra gunagunan, Ma ra mangamangana takodo i gigira ba marama ra bala na bakut.

¹²Maia, ra Luluai na tul tar ra magit i boina; Ma kada gunan na vuavuai.

¹³A mangamangana takodo na lua tana, Ma na mal ra pal a kauna upi ra nga.