A Umana Kakailai 83:4-18

⁴Dia tar biti: Uti, dat a vakaina vue diat, upi koko diat a vuna tarai mulai; Upi koko da nuk uraure mule ra iang i Israel.

⁵Tago dia tar tata rangup, ma i kopono ko ra nuknuk i diat; Dia pait ra kunubu upi diat a tur bat u;

⁶Diat dia ki ra umana pal na mal, a tarai Edom ma ra tarai Ismael; Moab, ma ra tarai Agar;

⁷Gebal, ma Amon ma Amalek; Pilistia diat ma ra tarai Tiro;

⁸Asiria bula diat; Dia tar maravut ra tarai Lot. Sela.

⁹Boina ba una pait nam ra magit ta diat ba u ga pait ia tai Midian; Ma tai Sisera, ma tai Iabin, ta ra tava alir Kison;

¹⁰Nina dia ga virua aro En-Dor, Ma dia ga varogop ma ra puta i va ra pia ka.

¹¹Una kure vakaina kadia umana tadar na tutana da Oreb ma Seb, Maia, kadia umana rangrang par da Seba ma Salmuna;

¹²Diat dia tar biti dari: Boina dat a taun ra gunagunan kai God.

¹³Kaugu God, una kure diat upi diat a vardada ma ra tobon ika nina i pulung tavurvuru; Ma diat a da ra mapmapina ba ra vuvu i kapkap ia.

¹⁴Da ra iap i vaimur ra pupui, Ma da ra biro na iap di vautunge ra lualuana me,

¹⁵Damana una korot mur diat ma kaum kalivuvur, Ma una manga vaburut diat ma kaum ngala na vuvu.

¹⁶A mata i diat na malari tuna; Upi diat a tikatikan upi ra iangim, Luluai.

¹⁷Boina ba diat a vavirvir, ma diat a burut vatikai; Maia pa, diat a ruva ka, ma diat a virua;

¹⁸Upi diat a nunure ba u kaka, u ba ra iangim, a Luluai, U ra Ngala Kakit ta ra rakarakan a gunagunan.