A Umana Kakailai 80:5-18

⁵U ga tabar diat ma ra gem na tinangi, Ma u ga vamomo diat ma ra ngala na lur na mata i diat.

⁶A tarai dia ki kikil avet dia varngangar ure avet, Ma kaveve lavur ebar dia nonganongon ure avet.

⁷God kai ra lavur kor, una vadoane mule avet; Ma ra matam na pupua, ma avet a laun.

⁸U ga kap vairop ra davai na vain kan Aigipto, U ga korot vue ra umana Tematana, ma u ga kalie.

⁹U ga raut are; Ma i okor bulu, ma i lulul bonot ra gunan.

¹⁰I vamalur ra umana lualuana, Ma ra umana ingaingarina dia da ra tagatagal kai God.

¹¹I tultulue ra ingaingarina, ma i tuk tar ta ra ta. Ma ra golina tuk tar ta ra Tava Alir.

¹²Ta ra ava u ga rada vakaina kana liplip, Upi diat par dia vana pakit dia ibul ia?

¹³A kuabar na kolok i ngonge, Ma ra umana leing ta ra lokalokor dia iaian tana.

¹⁴God kai ra lavur kor, una lingan mulai, Una gigira ba marama ra bala na bakut, ma una lalaume go ra davai na vain;

¹⁵Ma una ki ravie nina ba ra limam tuna i ga vaume, Ma ravie ra davai nina u ga vapadikat ia upi kaum.

¹⁶A davai na vain i tar dodo, di tar.mut vue; Dia virua ba u matana kankan.

¹⁷Una balaure maravut nina ba u ga valaun ia ma ra limam tuna, Ma ra tarai nina u ga vatavua diat upi kaum diat.

¹⁸Damana pa avet a vana tapuku kan u; Una valagar avet, ma avet a lotu tadav ra iangim.