A Umana Kakailai 77:5-19

⁵Iau ga nuk pa ra e amana tana, Ra umana tataun lualua.

⁶Ina nuk pa mule kaugu kakailai ta ra marum; Boina ina nununuk ta ra balagu; Ma ra tulungeagu i ga titir dari:

⁷Dave, ra Luluai na vung vatikene vue avet ta ra lavur tataun? Ma pa na varmari mulai bar?

⁸Dave, i tar par kakit kana varmari? I pak vatikai vang kana tinata na varvatading?

⁹Dave, God i tar valubane upi na pait ra varmari? I tar banu bat vake bar kana bala na varmari ure kana kankan? Sela.

¹⁰Ma iau ga biti: Iau purpuruan go, Tago i enana ra lime tuna ra Ngala Kakit.

¹¹Ina vatang ra lavur papalum kai ra Luluai, Maia pa, ina nuk pa mule kaum lavur papalum na kinaian ba amana tana.

¹²Ina nununuk ta kaum lavur papalum kabila, Ma ina nuk pa kaum lavur bibili.

¹³Kaum mangamangana, God, i tar gomgom; Akave mulai ta ngala na god da kada God tuna?

¹⁴U nam ra God, nina ba i papait ra lavur magit na kinaian. U ga rada ra dekdekim livuan ta ra umana vuna tarai.

¹⁵U tar valaun kaum tarai ma ra limam, Ra umana natu i Iakob, ma ra umana natu i Iosep. Sela.

¹⁶A ta i gire u, God, A ta i gire u, ma i burut, A marumian kabila i dadadar.

¹⁷A umana bakut dia lingire ra bata, A lao i pangpagur; Kaum lavur meme dia pala ia vurvurbit.

¹⁸A nilai kaum pipi i.po rikai ta ra ragia, A umana meme dia vakapa ra gunagunan; Ra pia i guria ma i dadadar.

¹⁹A ta kaum nga, Ma u vanavana ta ra ngala na polo, Ma ra pal a kaum i pidik.