A Umana Kakailai 74:4-14

⁴Kaum lavur ebar dia tar kukula livuan ta kaum pal na kivung, Dia tar vatur kadia lavur vakilang tana;

⁵Dia da ra tarai ba dia kap ra pem, Ma dia bual ra makur a davai.

⁶Ma go dia mut vakaina ra lavur davai par tana ba di ga poko mal ia, Dia mut diat ma ra kalangar ma ra tututuk.

⁷Dia tar vabirao kaum pal tabu; Dia tar re vakaina vue ra kuba i ra iangim.

⁸A nuknuk i diat dari: Boina ba dat a re vapar vue diat; Dia tar tun.vue ra lavur pal na kivung kai God ta ra gunan.

⁹Pa ave gire mule kaveve lavur vakilang, Pa ta propet mulai i ki; Ma pa ta na ati pire vevet ba i nunure ba na tuk vingaia.

¹⁰God, aivia ra bung boko ra ebar na varkulumai? Dave, ra ebar na vul vatikene pa bar ra iangim?

¹¹Ta ra ava u tak vue ra limam kan avet, a limam tuna iat? Una tulue vaarike, ma una vamutue diat.

¹²Ma God kaugu King papa amana iat; I ongaongor ma ra valavalaun ta ra rakarakan a gunagunan.

¹³U ga tibe varbaiane ra ta ma ra dekdekim; U ga pamar gigi ra ulu i ra pukpuk ta ra tava.

¹⁴U ga pamar gigi ra ulu i ra konakonom, U ga tul tar ia pire ra tarai dia ki ra pupui, upi ra adia nian.