A Umana Kakailai 69:3-14

³Iau mila ka ma ra tinangi, a kongkongigu i dengdeng ika. A kiau na matagu i papait na pula ma ra tinangi upi God.

⁴Diat dia milikuane vakuku iau dia peal, ma ra pepe na ulugu pata; Diat dia mainge ba diat a vamutue iau dia ongor mat, kaugu umana ebar vakuku diat; Iau ga vamule ra magit ba pa iau ga ra pa ia.

⁵God, u nunure kaugu papaua; Ma kaugu varpiam pa i tur ivai kan u.

⁶Luluai, ra Luluai kai ra lavur kor, koko diat dia nurnur tam diat a vavirvir ure iau. God kai Israel, koko diat dia tikan up u diat a ruva ure iau.

⁷Tago di ga vul iau ure u; A vavirvir i turup ra matagu.

⁸Iau tar ki na vaira pire ra umana turagu, Ma iau a tematana pire ra umana natu i nagu,

⁹Tago ra niongor ure ra kubam i tar vaimur iau; Ma ra tinata na varvul kadiat dia vul u i tup uka iau.

¹⁰Ba iau ga tangi, ma ba iau ga vevel, Dia ga pukue, ma dia vul iau me.

¹¹Ba iau mal ma ra mal na tabun, Iau da ra magit na varvakok pire diat.

¹²Diat dia ki ta ra mataniolo dia tata bat ika iau, Ma ra umana lup tava longlong dia kulume iau ta kadia lavur kakailai.

¹³Ma iau, Luluai, iau araring tadav u ta ra bo na e; God, ta kaum pepeal na varmari, Una torom tagu, tago i dovot kaum valavalaun.

¹⁴Una al vairop iau kan ra paipai ma koko ina dudu; Una valangalanga iau kan diat dia milikuane iau ma kan ra tava i lubu.